په جلال آباد کې د ننګرهار اوقافی مارکیټ په قرارداد د ورکړۍ خبرتیا

د ننګرهار ولایت د ارشاد،حج او اوقافو ریاست  نظر کی لری د جلال اباد ښار لومړۍ ناحې اړوند عمرفاروق (ګنبدۍ مسجد) ته څېرمه درې پوړیز (د ننګرهار اوقافي مارکیټ) چې د لاندې مشخصاتو درلودونکی دی او د وخت د غوښتنو سره سم په پاخه،اساسي او عصري شکل اعمار شوی په ټولیز ډول د ازادې سیالۍ له لارې د ( 3) کلونو لپاره داوطلبې ته وړاندې کړي، د داوطلبۍعلاقه لرونکی شرکتونه او اشخاص کولی شي د اعلان له نیټې څخه د( 8) کاري ورځو په موده کې یاد مارکیټ له نږدې وګوري او خپل سر تړلي آفرونه د یو غوښتنلیک سره مل د ارشاد،حج او اوقافو ریاست د اوقافو عمومي مدیریت ته وسپاري، شرطپاڼه کتلی شي تضمین نقد اخیستل کیږي.

د مارکیټ مشخصات:

1. په لومړي پوړ کې 23 بابه دوکانونه لري.
2. په دوهم پوړ کې 8 بابه لوی او واړه سالونونه او (په 2 برخو کې) 10بابه مجهز تشنابونه لري، چې د روغتون، کلینیک،لابراتوار، بانکي څانګه، سیاحتي شرکتونو، خصوصي شرکتونو، مخابراتي شبکو او نورو دفترونو لپاره مناسب دي.
3. په دریم پوړ کې د هستوګنې 23 بابه مجهزې خونې لري چې هره خونه د ځانګړي تشناب،اشپزخانې او کوشکن لرونکې ده.

(شرطپاڼه)

1. داوطلب باید د داوطلبۍ پر مهال شخصا پخپله یا یې باوري استازی حاضر وي.
2. داوطلب باید د داوطلبۍ پر مهال د مورد نظر ساحې د اوسنۍ  احتمالي کرایې په حساب د 6 میاشتو کرایه نقدا د ضمانت په توګه هیئت ته وسپاري.
3. داوطلبۍ کښی ګټونکي شرکت یا شخص سره به د داوطلبۍ له نیټې څخه تر یوه اونۍ پورې قرارداد لاسلیک کیږي، او د لاسلیک له نیټې څخه ټاکل شوې کرایه پیلیږي.
4. ګټونکی شرکت یا شخص مکلف دی چې د مارکیټ کامل خوندیتوب او له مارکیټ څخه د احتمالي خطراتو څخه دمخنیوي په موخه کلک احتیاطي او لازم تدابیر په پام کې ونیسي او په دې برخه کې هرډول مسؤلیت په غاړه لري.
5. ګټونکي شرکت یا شخص ته د مارکیټ تر سپارلو دمخه د مارکیټ اړوند داخل او بیرون ټول اجناس لکه (دروازې،کړکۍ،المارۍ ، قلفکونه او دستګیرونه، ښېښې، هندارې، الکوبان، کټارې، رنګ او روغن، کاشي، سنګ مرمر، ټول نصب شوي او غیرنصب شوي بریښنایي او د نلدوانۍ وسایل، د اوبو ژورې څاګانې، د اوبو ذخیرې او داسې نور...) په یو کتاب کې تر سجل کیدو وروسته په سالم ډول ګټونکي قراردادي ته سپارل کیږي او د قرارداد د پای ته رسیدو پرمهال به ترینه د همدې سجل کتاب له مخې په روغ او سالم شکل تسلیمیږي.
6. ګټونکي شرکت یا شخص په هیڅ صورت ساحه بل چا ته په سرقلفۍ، ګروۍ او یا پلورلی نه شي بلکه پخپله به یې چارې سمبالوي.
7. قرارداد د (3) مالي کلونو لپاره دی، له ټاکلې مودې وروسته به بیا د وزارت مقام د حکم  سره سم لازم تصمیم نیول کیږي، البته د ښه تعامل په صورت کې حق اولیت قراردادي ته ورکول کیږي.
8.   د قرارداد په موده کې که په یاده ساحه د امارت یا وزارت له لوري کوم اړین او لازم پلان تطبیقیږي نو مستأجر ته به دوه میاشتې مخکې خبر ورکول کیږي ترڅو حسابونه تصفیه او ساحه تخلیه کړي.
9.  یاد مارکیټ کی به شرعی او قانونی فعالیت کیژی د غیر شرعی او غیر قانونی فعالیت د اثبات په صورت کې قرارداد فسخه کیږي.
10. د اوبو، برېښنا، صفایۍ، مالیه، څوکیداري اوداسې نور لګښتونه د مستأجر (قراردادي)په غاړه دي.
11. د قرارداد نور موارد به په قرارداد لیک کی ذکر کیژی.

آدرس:  جلال آباد ښار، اوله ناحیه، د ګنبدی مسجد ترڅنګ، د ارشاد، حج او اوقافو ریاست

د اړیکی شمیری:   0783036666             0706562508

ایمل آدرس ishaq.alami@yahoo.com