د ټرانسپورټ او هوايي چلند وزارت په انګړ کې د یو محراب جومات د جوړیدو بنسټ ډبره کېښودل شوه
۱۱ رمضانالمبارک ۱۴۴۴ هـ ق (۱۳ حمل ۱۴۰۲ هـ ش)
د ټرانسپورټ او هوايي چلند وزارت په انګړ کې د یو محراب جومات د قبلي تعین او د جوړیدو بنسټ ډبره کېښودل شوه.
د یاد جومات د بنسټ ډبري ایښودلو په مراسمو کې د ارشاد، حج او اوقافو وزارت د عرفان او مذهبي ځایونو د چارو تنظیم معین شیخ عزیز الرحمن منصور، د ټرانسپورټ او هوايي چلند وزارت سرپرست ملا حمیدالله آخندزاده، ددې وزارت مرستیالانو او رئیسانو ګډون درلود.
همدا زار ددې جومات د جوړیدو په مراسمو کې د ارشاد، حج او اوقافو وزارت مرستيال د دغه جومات د جوړېدو په اړه هر اړخیز معلومات وړاندې کړل او ويې ويل: د عالیقدر امیرالمؤمنین (حفظه الله) د فرمان په اساس، د ارشاد، حج او اوقافو وزارت به د ټرانسپورټ او هوايي چلند وزارت کې د اوقافو له بودیجې څخه د ټرانسپورټ او هوايي چلند وزارت په انګړ کې د محراب جومات جوړ کړي.
د يادونې وړ ده چې دغه جومات به د (۹٫۷۹۸٫۸۷۲) نهه ملیونه، اووه سوه اته نوي زره، اته سوه او دوه اویا افغانيو په لګښت په دوو پوړونو کې چې په يو وخت کې به د (۵۴۰) تنو لمونځ کوونکو ظرفیت ولری د ارشاد، حج او اوقافو وزارت له لوري په پاخه او اساسی ډول جوړیږي.
