د ارشاد، حج او اوقافو وزیر د اسلامي نړۍ د علماوو په مشورتي غونډه کې د گډون په موخه ترکیې هېواد ته ولاړ
جمعه ٢ ذوالقعدة الحرام ۱۴۴۵ هـ ق (٢١ ثور۱۴۰۳ هـ ش)
د ارشاد، حج او اوقافو وزیر ښاغلی شیخ الحدیث سر محقق قضاوتپوه دکتور مفتي نورمحمد ثاقب او ورسره مل پلاوی د ترکیې هېواد د دیني چارو ادارې (دیانت) عمومي رئیس پروفیسور دکتور علي ارباش په رسمي بلنه په نوموړي هېواد کې د اسلامي نړۍ د علماوو مشورتي غونډه کې چې د ترکیې په تاریخي ښار اسطنبول کې جوړیږی د گډون په موخه نن ترکیې هېواد ته روان شو.
په دغه غونډه کې به د نړۍ علماء کرام د اسلامي امت او ټول انسانیت ته د ورپېښو ننگونو او خطرونو نه د راوتلو پر لارو چارو بحث وکړي. همدارنګه د اسلامي مشترکو قضایاوو په وړاندې د واحد موقف او په اوسنیو شرایطو کې د اسلامي امت د یووالي او توجیه په اړه بحثونه وشي.
