د ارشاد، حج او اوقافو وزیر ختیځ زون ته د خپل سفر په ترڅ کې د کونړ ولایت د ارشاد، حج او اوقاقو له ریاست څخه لیدنه ترسره کړه
۲۱ ربیع الأول ۱۴۴۶هـ ق (۳ میزان ۱۴۰۳هـ ش)
د ارشاد، حج او اوقافو وزیر شیخ الحدیث سرمحقق قضاوتپوه دکتور مفتي نور محمد ثاقب او ورسره مل پلاوی کونړ ولایت ته د خپل سفر په ترڅ ددې ولایت اړوند د ارشاد، حج او اوقافو له ریاست څخه په داسې حال کې لیدنه ترسره کړه چې د کونړ والي د علماوو د شورای رئیس او نورو مسؤلینو یې ملتیا کوله .
د یادې لیدنې په ترڅ کې د ارشاد، حج او اوقافو وزیر په ارشادی، اوقافی او حج برخو کې د ولایتي اداری محترمو مسؤلینو په ښه ډول د کارونو د تر سره کېدو په اړه لازم هدایات او سپارښتنې وکړې، او زیاته یې کړه چې مسؤلین باید خپلو دندو ته جدي پاملرنه وکړﺉ او هغه مسؤلیتونه په ښه ډول ترسره چې د ارشاد، حج او اوقافو ریاست له اساسي دندو څخه کڼل کیږی او کوشش وشې چې مراجعینو سره ښه چلند وکړئ او کارونه یې پر وخت ترسره کړئ.
ورپسې د کونړ ولایت د ارشاد حج او قافو رئیس مولوي رحیم الله مذهبی خبرې وکړې او ډاډ یې څرگند کړل چې د وزارت د پالیسۍ مطابق خپل ټول وظایف په پوره اخلاص او ایماندارۍ سره سرته ورسوي او هڅه به مو دا وي چې د مساجدو، حج او نورو برخو کې هېوادوالو ته غوره خدمات وړاندې کړو
