د ارشاد، حج او اوقافو وزیر د اریانا افغان او کام ایر هوايي شرکتونو له مسوولینو سره وکتل
![ملاقات با شرکت های هوایی](/sites/default/files/2022-03/whatsapp_image_2022-03-16_at_3.57.03_pm.jpeg)
نیټه: ۱۴۴۳/۸/۱۱ ه ق - ۱۴۰۰/۱۲/۲۴
د ارشاد، حج او اوقافو وزیر شیخ الحدیث دوکتور نور محمد ثاقب د اریانا افغان هوايي شرکت او کام ایر هوایي شرکت له مسوولینو سره په جلا جلا ناستو کې وکتل.
په پیل کې د ارشاد، حج اوقافو وزیر د یاد شرکتونو د ظرفیت او اسانتیاوو په اړه دمعلوماتو غوښتنه وکړه او د یادو شرکتونو مسوولینو د شته ظرفیتونو او اسانتیاوو په اړه ډاډ ورکړ او د حاجیانو لپاره د غوره خدمتونو د وړاندې کولو لپاره چمتووالی څرګند کړ، وروسته د حاجیانو لپاره د لا زیاتو اسانتیاوو د برابرولو په اړه (که امکان ولري د سعودي عربستان لخوا د حج پروسه پیل شي) خبرې وشوې. او لازم تدابیر هم ونیول شول.
د ارشاد، حج او اوقافو وزير د يادو شرکتونو د مسوولينو د نظر له اورېدو وروسته وويل: که چیرې د حج بهیر پیل شي، د حاجیانو لیږد باید په ټاکلي وخت ترسره شي او د دوی ټولې اسانتیاوې او اړتیاوې باید په پام کې ونیول شي. او د حاجیانو لیږدونکي شرکت باید اړین معیارونه ولري.
د يادونې وړ ده چې تر اوسه د سعودي عربستان لخوا د حج پروسې د پيل په اړه کوم رسمي اقدام نه دی شوی.