د شیرشاه سوري جامع جومات د خطیب شهيد مولوي عزیزالله مفلح لومړی تلېن د یوې پراخې غونډې په ترڅ کې ولمانځل شو.

bakhshi_admin
دوشنبه ۱۴۰۰/۴/۷ - ۹:۲۷
سالگرد مولوی مفلح

یکشنبه: ۶ چنګاښ ۱۴۰۰

نن په کابل کې د شیرشاه سوري جامع جومات د خطیب شهيد مولوي عزیزالله مفلح لومړی تلېن د یوې لویې غونډې په ترڅ کې ولمانځل شو.

په دغه غونډه کې د ارشاد، حج او اوقافو وزارت مسلکي معین دوکتور امین الدین مظفري د وزارت اړوند رئیسانو، د مشرانو جرګې مرستیال، د امام ابوحنیفه عالي دارالعلوم رئیس، علماء کرامو، قومي مشرانو، ځوانانو او د رسنیو استازو ګډون درلود.

د ارشاد، حج او اوقافو وزارت په استازیتوب ددې وزارت مسلکي معین د شهید عزیزالله مفلح کورنۍ او خپلوانو ته د ډاډګېرني او خواخوږۍ مراتب وړاندې کړل او زیاته یې کړه، چې د ارواښاد مفلح مړینه ستره ضایعه ده او د ارشاد، حج او اوقافو وزارت هم نن د نوموړي په شهادت په تلین کې د غم په ویر ناست دی. ښاغلي مظفري وویل: د شهید مفلح د شهادت موضوع د تعقیب لاندې ده او دا موضوع به تعقیبوو.

ورپسي د مشرانو جرګي مرستیال محمد علم ایزدیار وینا وکړه. نوموړي د هېواد د ملي شورا د اداري غړو په استازیتوب وویل، چې د شهید مفلح مړینه ستره ضایعه او د نوموړي عالم او نورو علماوو د ترور عاملین دې ژر تر ژره ونیول شي او د ارشاد، حج او اوقافو وزارت ددې مسؤلیت لري، چې د ټولو شهید شویو علماوو دوسيې وڅاري.

دغه راز د امام ابوحنیفه عالي دارالعلوم رئیس شیخ مسیح الله هم د شهید مفلح د کورنۍ غړو او خپلوانو ته د خواخوږۍ او تسلیت مراتب وړاندې کولو تر څنګ د ارواښاد په علمي شخصیت، د دیني لارښوونو او تبلیغي اړخ هر اړخیزه وینا وکړه. نوموړي زیاته کړه: شهید مفلح یو کال وړاندې په همدې جومات کې د جمعې په مبارکه ورځ د خطبې په حالت کې چې خلک یې یووالي ته رابلل شهید کړای شو.

شیخ مسیح الله وویل: زموږ لومړنۍ اړتیا سوله ده، او سوله فرض ده، څوک چې د سولې لپاره هلې ځلې کوي، باید د هغوی ملاتړ وشي.

تازه خبرونه

شنبه ۱۴۰۰/۶/۲۰ - ۱۱:۱۰
Background image

د ارشاد، حج او اوقافو وزارت نوی سرپرست وزیر د ځانګړو مراسمو په ترڅ کې معرفي شو

د صفرالمظفر ۱۴۴۳ ھجري قمري

۱۸ وږي ۱۴۰۰ هجري لمريز کال

نن د افغانستان اسلامي امارت د رهبري شورا غړي ښاغلي شیخ الحديث مولوي عبدالحکیم حقاني له لوري د ارشاد، حج او اوقافو وزارت نوی. . .

پنجشنبه ۱۴۰۰/۵/۲۱ - ۱۱:۱۰
Background image

کابل ته د هېواد له بېلابیلو ولایتونو څخه د بیځایه شویو کورنیو غوښتنه.

لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ (ال عمران ۹۲)

ژباړه: له سره به ونه مومئ تاسي( پوره) نیکي، تر هغې پورې چې خرچ کړئ تاسې (په لاره د الله کې) ځیني له هغو شیانو. . .

دوشنبه ۱۴۰۰/۵/۱۱ - ۱۴:۱۶
Background image

د افغانستان پرانيستې دولت‌دارۍ مشارکت اعلاميه

د افغانستان اسلامي جمهوري دولت د پرانيستې دولتدارۍ مشارکت د ملي عمل درېيم پروګرام د تدوين بهير په نېږدې ورځو کې پيلېږي.

د پرانيستې دولتدارۍ مشارکت  (OGP) د لارښود په بربنسټ، د دغه. . .

BACK TO NEWS