د ارشاد ، حج او اوقافو وزارت او د کویټ شاهي دولت د اسلامي شئونو او اوقافو وزارتونو ترمنځ د همکاریو د هوګړه لیک د نهایي کېدو پروسې ګړندۍ کول.
پنجشنبه 17 د تلې 1399
د ارشاد ، حج او اوقافو سرپرست وزیر او اړوندو چارواکو په کویټ کې د افغانستان اسلامي جمهوریت سفیر سید جاوید هاشمي سره د ویډیو کنفرانس له لارې د ارشاد ، حج او اوقافو وزارت او کویټ هېواد د اسلامي شئونو او اوقافو وزارت ترمنځ د همکاریو هوکړه لیک د لاسلیک پروسې د ګړندي کولو او څرنګوالي په اړه خبرې وکړې.
تمه ده، چې د افغانستان د اسلامي جمهوریت او د کویټ دولت ترمنځ د دوه اړخیزو همکاریو په اړه د افغانستان اسلامي جمهوري دولت د ارشاد، حج او اوقافو وزارت او د کویټ حکومت د شئون اسلامي چارو وزارت تر منځ د اسلامي ثقافت، د علماوو د هراړخیزو اړیکو پیاوړتیا او د اسلامي چارو د پرمختګ په برخه کې د دواړو هیوادونو د تجربو، هڅو او د افکارو د تبادلې په برخه کې هوکړه لاسلیک شي.
