د ارشاد، حج او اوقافو وزارت مسلکي مرستیال د امر بالمعروف او نهې عن المنکر او سمع شکایاتو وزارت له مسؤولینو سره وکتل.
۷ ربیع الثاني ۱۴۴۵هـ ق (۳۰ د میزان ۱۴۰۲هـ ش)
د ارشاد، حج او اوقافو وزارت مسلکي معین شیخ الحدیث مولوي زرمحمد حقاني او ددې وزارت د ارشاد او جوماتونو چارو د انسجام عمومي رئیس مولوي محمد نبي محمدي په شتون کې، د امر بالمعروف او نهې عن المنکر او سمع شکایاتو وزارت مسلکي مرستیال شیخ فقیر محمد محمدي او ښاري مسئول مولوي معلم جان سره په خپل کاري دفتر کې وکتل.
په پیل کې د ارشاد، حج او اوقافو وزارت مسلکي مرستیال ښاغلي حقاني راغلو میلمنو ته د ښه راغلاست ویلو ترڅنګ وویل: د امر بالمعروف او نهې عن المنکر او سمع شکایاتو او د ارشاد، حج او اوقافو وزارتونه له یو بل سره ډېرې نیږې اړیکې لري، چې تل باید له یو بل سره همغږي اووسئ.
ورپسې د امر بالمعروف او نهې عن المنکر وزارت مسلکي مرستیال شیخ فقیر محمد محمدي خبري وکړي اوپه خپلو خبرو کې له ښاغلي حقاني څخه غوښتنه وکړه چې زموږ دوزارت محتسبینو سره د جوماتونو امامان او خطیبان باید په ارشادي برخه کې همکاري وکړي، چې د منبر له لارې ملت ته ارشادي موضوعات بیان کړو
