په مدینه منوره کې د حج بعثې د مسؤول مولوي عارف الله عارف په مشرۍ کاري غونډه ترسره شوه
۸ ذوالقعدې ۱۴۴۶ هـ ق مطابق ۱۶ د ثور ۱۴۰۴ هـ ش
د ارشاد، حج او اوقافو وزارت اداري او مالي مرستیال او په مدینه منوره کې د حج بعثې مسؤول مولوي عارف الله عارف ترمشرۍ لاندې افغان حاجیانو ته د غوره خدمتونو د وړاندې کولو، د پلانونو تطبیقولو او د کمېټو د همغږۍ په تړاو غونډه جوړه شوه، په دغه غونډه کې د حج کاري کمېټو مسؤولینو ګډون درلود.
غونډه د قرآن عظیم الشان د څو مبارکو آیتونو په تلاوت سره پیل شوه، ورپسې د حج کاري کمېټو مسؤولینو د خپلو پلانونه له مخې له افغانستان څخه مدینې منورې ته د افغان حاجیانو د کاروانونو د راتګ، سپیڅلو او مبارکو ځایونو ته د حاجیانو د تګ په اړه د اسانتیاوو برابرولو د روغتیایي کلینیکونو ۲۴ ساعته فعال ساتلو او د نورو اړوندو موضوعاتو په اړه مسؤولینو د غونډې ګډونوالو ته معلومات وړاندې کړل او مولوي عارف الله عارف د پورتنیو موضوعاتو له اورېدلو وروسته مسؤولینو ته لازمې سپارښتنې او ګټورې لارښوونې وکړې
