د ۱۴۰۱ هجري لمریز کال حاجیانو ته د حج لګښتونو څخه د پاتې پیسو د ورکړې بهېر عملا پيل شو.
د روان ۱۴۴۳ کال حاجیانو ته د لګښتونو څخه د پاتې پیسو د ورکړې بهېر نن عملا په کابل او ولایتونو کې پيل شو.
د کابل ښار مرکزي زون د حاجیانو مجتمع څخه زموږ د خبریال د معلوماتو له مخې چې ددغو پیسو د ورکړې بهیر نن په کابل ښار کې د پروازونو شمېرې او ټاکل شوي جدول له مخې پیل شو.
نن د کابل ښار بېلابېلو ناحیو حاجیانو د پرواز له لومړۍ شمېرې څخه تر ۴۰۰ شمېرې پورې د حاجیانو مجتمع ته راغلي او د خپلو پاتې پيسو د ترلاسه کولو په موخه په منظم صفونو کې ولاړ دي.
د ارشاد، حج اوقافو وزارت د خبریال سره په خبرو کې ځینو افغان حاجیان ددغه کار څخه خوښې ښودلې او ویلي یې دي چې دا لومړي ځل دی چې د حج په مراسمو کې د ډېر ښه شفافیت او حساب ورکونې شاهدان یو.
