د ارشاد، حج او اوقافو وزارت د خواخوږۍ پیغام!
په ژورې خواشینۍ سره مې خبر ترلاسه کړ، چې پرون سهار د مکرویانو په سیمه کې د هېواد ځوان کدر، نومیالی ژورنالیست او ویاند یما سیاوش له خپلو همکارانو سره یو ځای په موټر کې د ځای پر ځای شوي ماین په چاودنه کې ژوند له لاسه ورکړ.
انا لله وانا الیه راجعون
ارواښاد یما سیاوش ځوان کدر ، د راتلوتکي نسل لپاره سرمایه او د خاورې ریښتنی او مخلص بچی و، چې نه شتون یې ضایعه ده.
د ارشاد، حج او اوقافو وزات رهبري هیئت د نوموړي مړینه لویه ضایعه ګڼي.
زه ارواښاد سیاوش او همکارانو ته یې د لوی څښتن تعالی له دربار څخه د فردوس جنت غوښتونکی یم.
کورنۍ، دوستانو او خواخوږو ته یې خپل د تسلیت مراتب وړاندې کوم.
د هېواد د ملي، امنیتي او دفاعي ځواکونو څخه جدي غوښتنه کوم، تر څو د دا ډول غیر انساني او غیر اسلامي پېښو مخه ونیسي او ددې پېښو عاملین د خپلو اعمالو په سزا ورسوي.
مولوي محمد قاسم حلیمي
د ارشاد، حج او اوقافو وزارت سرپرست او نوماند وزیر
