د ارشاد، حج او اوقافو وزارت نوی سرپرست وزیر د ځانګړو مراسمو په ترڅ کې معرفي شو

bakhshi_admin
Sat, Sep 11 2021 11:10 AM
معرفی وزیر

د صفرالمظفر ۱۴۴۳ ھجري قمري

۱۸ وږي ۱۴۰۰ هجري لمريز کال

نن د افغانستان اسلامي امارت د رهبري شورا غړي ښاغلي شیخ الحديث مولوي عبدالحکیم حقاني له لوري د ارشاد، حج او اوقافو وزارت نوی سرپرست وزیر شیخ الحدیث دوکتور مولوي نورمحمد ثاقب د ځانګړو مراسمو په ترڅ کې ددې وزارت منسوبینو ته وروپېژندل شو.

غونډه د قرآن کریم د مبارکو آیتونو په تلاوت سره پیل شوه.

په لومړي سر کې د افغانستان د اسلامي امارت د رهبري شورا غړي شیخ الحديث مولوي عبدالحکیم حقاني وینا وکړه.

نوموړي د افغانستان د خپلواکۍ د مبارکي ترڅنګ د اشغال د ماتې په اړه د مجاهدینو سرښندنې او قربانۍ وستایلې او نننی نظام یې د حق د لارې شهیدانو د سرښندنو پایله وباله.

ښاغلي عبدالحکیم حقاني زیاته کړه: د وزارت د چارو سمبالول امتیاز نه، بلکې یو مسؤلیت دی، چې شیخ الحدیث دوکتور مولوي نور محمد ثاقب ته سپارل کېږي، تر څو خپلو ولسونو ته د خدمت مصدر وګرځي.

ورپسې د ارشاد، حج او اوقافو نوي سرپرست وزیر ښاغلي شیخ الحدیث دوکتور نورمحمد ثاقب خبرې وکړې. ښاغلي ثاقب د افغانستان د اسلامي امارت له مشرتابه مننه وکړه، چې په ده یې اعتماد وکړ او د خپلو ولسونو لپاره ورته یو ځل بیا د خدمت زمینه برابره شوه.

ښاغلي ثاقب د افغانستان اسلامي امارت د اهدافو له جملې څخه درې مهم اهداف چې د اسلامي نظام انفاذ، د هېواد استقلال او ارضي تماميت ساتل او د هېواد بيا آبادول دي په تفصیل سره د غونډې ګډونوالو ته بيان کړل او ورسره يې د ياد وزارت منسوبينو او د هېواد ټول ولس ته ډاډ ورکړ چې اسلامي امارت د ټولو هېوادوالو ګډ کور ده او په ټول توان بايد هڅه او کوښښ وکړو چې د ديني او ملي ارزښتونو په رڼاکې په پوره اخلاص او امانتدارۍ سره خدمت وکړو.

ورپسې د غونډې ګډونوالو هم په خپل وار سره خبرې وکړې او شیخ الحدیث مولوي نور محمد ثاقب یې د دې وزارت د چارو د سمبالښت لپاره غوره او وړ کس یاد کړ. غونډه په هېواد کې د شرعي نظام او سرتاسري امن د ټينګښت په دعاء سره پای ته ورسېده.

Latest news

Mon, Jun 27 2016 3:31 PM
Background image

Signing memorandum of cooperation between Ministry of Hajj, and Religious Affairs and the Ministry of Education

Memorandum on removing illiteracy between ministry of Hajj and religious Affairs and ministry education was signedby Excellency Faiz Mohammad Osmani Minister of Hajj and Religious. . .

Sun, Jun 05 2016 10:32 AM
Background image

The first registration and organization center of hajj affairs (Integrated pilgrims central zone) in Kabul, inaugurates

The first Hajj Operation registration center(integrated pilgrims central zone) was inaugurated in a special ceremony in the presence of His Excellency Chief Executive of the Islamic. . .

Sat, Jun 04 2016 3:26 PM
Background image

Distributionof mosques prayer carpetbegin, in cooperation with the Embassy of Saudi Arabia in Afghanistan

Distribution of 190000 meter prayer carpet which cost two million dollars, for mosques of center and provinces in the country from the aids of friend and brother country SaudiArabia. . .

BACK TO NEWS