د ارشاد، حج او اوقافو وزارت او د چاپېریال ساتنې ملي ادارې تر منځ هوکړه لیک

bakhshi_admin
دوشنبه ۱۳۹۸/۸/۱۳ - ۱۰:۴۱
محیط زیست


یکشنبه د لړم د میاشتې ١٢
د ارشاد، حج او اوقافو وزارت، د اطلاعاتو او کلتور وزارت، عزیزي بانک او چاپېریال ساتنې ملي ادارې ترمنځ د چاپېریال پاک ساتلو په برخه کې د همکارۍ جلا، جلا تړونونه لاسلیک شول.
د چاپېریال ساتنې ادارې سره د یادو بنسټونو هوکړه لیک د لاسلیک کولو موخه د چاپېریال ساتنې په اړه عامه پوهاوی او د کابل ښار هوا د ککړتیا د راکمول په ګوته شوي.
دغه کنفرانس چې د حکومت درسنیو مرکز کې د دې هوکړه لیک د لاسلیک په موخه جوړ شوی و، د ارشاد، حج او اوقافو وزارت مالي او اداري معین استاد تاج محمد ”مجاهد“ وویل: د ارشاد، حج او اوقافو وزارت د چاپېریال پاک ساتل خپله وجیبه ګڼي او د هوا ککړتیا په مخنیوي کې به د مساجد د منبرونو له لارې، د یادې ادارې سره خپلې همکارۍ ته دوام ورکړي او د هغې طرحې چې د لاس لاندې یې لري د عملي کولو له پاره کوټلي ګامونه پورته کړي.
ورپسې د چاپېریال ساتنې ملي ادارې معین عزت الله ”صدیقي“ وویل: چې د دې هوکړه لیک د لاسلیک سره به د عامه پوهاوي دغه پروسه لا ښه مدیریت شي.
په همدې حال کې د اطلاعاتو او کلتور وزارت معین او د عزیزي بانک ریس هر یو د خپلې ادارې له لوري د چاپېریال ساتنې له ملي ادارې سره دچاپېریال په پاک ساتلو د خپلې همکارۍ ډاډ ورکړ.
د کابل ښار د ککړې هوا د راکمولو او مدیریت د ۵ کلن پلان له مخې، ٢٢ وزارتخونې او د خصوصي سکتور څانګه مسؤلیت لري چې له یادې ادارې سره د چاپېریال په پاک ساتلو کې مرسته وکړي.
د چاپېریال ساتنې په اړه د عامه پوهاوي ۵ کلن پلان د بشپړېدو په حال کې دی.

تازه خبرونه

یکشنبه ۱۳۹۹/۴/۱۵ - ۱۲:۴۲
Background image

د حج پروسې د الکترونیکي کولو سیستم په پار غونډه جوړه وشوه.

د تېرو غونډو په دوام یو ځل بیا د ارشاد، حج او اوقافو وزارت د وزیر مولوي عبدالحکیم منیب، د وزارت مسلکي مرستيال دوکتور امین الدین مظفري، د وزارت رهبري هیأت، د فرضي حج او د مخابراتو وزارت. . .

دوشنبه ۱۳۹۹/۴/۹ - ۱۱:۸
Background image

د ارشاد،حج او اوقافو وزیرد سعودي عربستان شاهي هېواد له سفیر سره وکتل.

 نن له غرمې مخکې د ارشاد حج او اوقافو وزیر مولوي عبدالحکیم منیب په کابل کې د سعودي عربستان له سفیر جاسم محمد الخالدي سره په خپل کاري دفتر کې ولیدل.

په دغه ناسته کې دواړو لوریو د روان. . .

جمعه ۱۳۹۹/۳/۲۳ - ۲۲:۷
Background image

د ارشاد حج او اوقافو د رهبری هیئت د تسلیت پیغام

د هېواد د جید عالم او د کابل ښار د شېر شاه سوري جامع جومات خطیب مولوي عزیزالله مفلح د شهادت په تړاو د ارشاد، حج او اوقافو وزارت د خواخوږۍ او غندنې پیغام مِّنَ ٱلۡمُؤۡمِنِينَ رِجَالٞ. . .

BACK TO NEWS