د ارشاد، حج او اوقافو وزیر د اریانا افغان او کام ایر هوايي شرکتونو له مسوولینو سره وکتل.

bakhshi_admin
یکشنبه ۱۴۰۱/۲/۱۸ - ۱۰:۵۷
ملاقات وزیر با کام ایر

نيټه، ۷ شوال، ۱۴۴۳ هـ_ د ۱۴۰۱ هـ ق کال د غویی ۱۷ مه

نن د ارشاد، حج او اوقافو وزیر شیخ الحدیث دوکتور نور محمد ثاقب د اریانا هوايي شرکت او کام ایر هوایي شرکت له مسوولینو سره جلا جلا ناستو کې وکتل.

په پیل کې د ارشاد، حج او اوقافو وزیر د حاجيانو د لېږد او راستنېدو په برخه کې د یادو شرکتونو د پلانونو او اقداماتو په اړه د معلوماتو او توضيحاتو غوښتنه وکړه.

په دې کتنه کې د ارشاد، حج او اوقافو وزیر او ددې وزارت د رهبرۍ یو شمېر غړو هم حضور درلود.

له يادو شرکتونو څخه د حاجيانو د ليږدونې د پلان او اقداماتو، د هغوى د وړتيا او ظرفيت ترڅنګ د حاجيانو د ليږدونې د لګښتونو په اړه هم معلومات وغوښتل شول.

د یادو شرکتونو مسوولینو په وار وار د وزارت رهبري غړو ته د شته ظرفیتونو او اسانتیاوو او د حاجیانو د لېږد د پلان په اړه هر اړخیز معلومات وړاندې کړل او زیاته یې کړه، چې د حاجيانو لېږد سوداګري نه، بلکې خپل ديني مکلفيت وګاڼه او ژمنه يې وکړه، چې حاجيانو ته د لا زياتو اسانتياوو په برابرولو کې به د هر راز همکاریو ته چمتو دي.

په پای کې د يادو شرکتونو د مسوولينو د نظرونو او وړانديزونو له اورېدلو وروسته پرېکړه وشوه، چې د دوى د ټکټونو وروستي نرخونه او شرايط دې له دغه وزارت سره په ليکلي ډول مطرح شي.

تازه خبرونه

یکشنبه ۱۴۰۱/۳/۲۲ - ۱۵:۳۹
Background image

د بیت الله شریف عازمینو سره د ارشاد،حج او اوقافو ښاغلي وزیر تودیعي لیدنه.

د مرکزي زون حاجیانو مجتمع څخه د را رسیدلي راپور په اساس د هېواد د حاجيانو د لومړي کاروان پيل په مناسبت د مرکز زون د حاجيانو په مجتمع کې غونډه ترسره شوه.

یاده غونډه د قرآن کریم په څو. . .

سه‌شنبه ۱۴۰۱/۳/۱۷ - ۹:۲۲
Background image

د هېواد په مرکز او ولایتونو کې د حاجیانو لپاره د حج مناسکو درسي بهیر پیل شو.

نیټه: ۷، ذوالقعده ۱۴۴۳هـ ق _ (۱۶، غبرګولی ۱۴۰۱ هـ ش)

د دې وزارت خبریال د حجاجو مجتمع څخه راپور ورکوي، چې د حج مناسکو لارښونې د ارشاد، حج او اوقافو وزارت یو شمېر مسوولينو، علماوو او د. . .

جمعه ۱۴۰۱/۳/۶ - ۱۲:۵۰
Background image

د ارشاد، حج او اوقافو وزارت او کام ایر هوایي شرکت تر منځ د حاجیانو د لیږد او بېرته راستنیدو هوکړه لاسلیک شوه.

تاریخ د ۱۴۰۱ کال د غبرګولي ۴

۲۴ شوال المکرم/۱۴۴۳ه.ق

د ارشاد، حج او اوقافو وزارت او کام ایر هوایي شرکت تر منځ د روان کال حاجیانو د انتقال او بیرته راتلو هوکړه پرون د یاد وزارت په. . .

BACK TO NEWS