د ارشاد حج او اوقافو وزارت او عزیزِ بانک تر منځ د همکارۍ تړون لاسلیک شو!
يکشنبې، د ۱۳۹۹ ل.ل کال د وږي ۳۰نيټه
په دغه مناسبت جوړې شوې غونډې کې د دواړو خواوو رهبرۍ ګډون کړي ؤ، ډاکتر امين الدين مظفري د ارشاد حج او اوقافو وزرات مسلکي معين او عزيزي بانک عامل هيئت مرستيال محمد سليم حبيبي په واسطه دغه تړونليک لاس ليک شو.
په پيل کې ډاکټر امين الدين مظفري د دغه وزارت مسلکي معين لخوا ميلمنو ته د ښه راغلاست ويلو تر څنګ د دې تړونليک لاسليکول يو مبث او ګټور ګام وباله نوموړي زياته کړه چې د ارشاد حج او اوقافو وزارت عزيزي بانک سره د دې تړونليک له مخې ژمن دي چې خپل کارکونکو ته غوره خدمتونه وړاندې کړي چې د دې تړون لاسليک يې غوره بيلګه ده.
ورپسې محمد سليم حبيبي د عزيزي بانک د عامل هيئت مرستيال په خپلو خبرو کې وويل: عزيزي بانک تل هڅه کړې ده چې کارکونکو او خپلو پېرودونکو ته غوره خدمتونه وړاندې کړي تر څو له کومې ستونزې سره مخامخ نه شي.
