د ارشاد، حج او اوقافو وزارت لپاره مالي او اداري مرستیال معرفی شو.
یکشنبه ۲۳ محرم الحرام: ۱۴۴۴ هـ ق (د ۱۴۰۱ کال زمري ۳۰)
د امیرالمؤمنین (حفظه الله) د فرمان له مخې محترم مولوي عارف الله عارف د ارشاد، حج او اوقافو وزارت د مالي او اداري مرستیال په توګه وټاکل شو او خپله دنده یې پیل کړه.
د ارشاد، حج او اوقافو وزیر شیخ الحدیث ډاکټر نورمحمد ثاقب د دغه وزارت د یو شمېر رئیسانو په حضور کې مولوي عارف الله عارف ته د دغه وزارت د مالیې وزارت د معین په توګه د ټاکل کېدو مبارکي وویله او په یاده دنده کې یې ورته د بریالیتوب هیله وکړه.
ورپسې مولوي عارف الله عارف د وزارت د رهبري هیئت له یو شمېر غړو سره په رسمي ډول د دوی دفتر ته رهنمایی او کارکوونکو ته ور وپېژندل شو.
په ورته وخت کې مولوي عارف الله عارف وویل: اوس چې د شهیدانو په وینو، بې شمېره سرښندنو او هجرتونو اسلامي نظام راغلی، موږ هم د قربانیو په ورکولو سره د نظام د ټینګښت لپاره هلې ځلې کوو او د جهاد پایلې د پلي کولو هڅې کوو.
همدا راز هغه زیاته کړه، د ارشاد، حج او اوقافو وزارت د اصلاح لپاره یو مکتب او لویه اداره ده او د دیني چارو او دیني زده کړو یوه معتبره سرچینه ده.
په پای کې یې د لوی څښتن تعالی له دربار څخه د دین او خلکو په خدمت کې د بریالیتوب دعا وکړه او ویې ویل، چې د ټولو مسوولینو په همکارۍ او مرسته به ورسپارل شوې چارې پرمخ وړي.
