د ارشاد، حج او اوقافو سرپرست وزیر د هلمند ولایت څخه لیدنه وکړه
د افغانستان اسلامي امارت د ارشاد، حج او اوقافو وزیر شیخ الحدیث مولوي نورمحمد ثاقب په مشرۍ لوړ پوړي پلاوي هلمند ولایت ته د سفر په ترڅ کې ددې ولایت د ارشاد، حج او اوقافو ریاست او ولایت مقام څخه لیدنې وکړې.
په دغو لیدنو کې ښاغلي وزیر صاحب د هلمند ولایت د ارشاد، حج او اوقافو ریاست له سرپرست مولوي شمس الحق ثاقب اخندزاده او نورو کارکوونکو سره ولیدل او د هغوئ کارونه او فعالیتونه یې وارزول او د کارونو د لابهبود په خاطر یې ورته لازمې لارښوونې او سپارښتنې وکړې.
له بل پلوه دارشاد، حج او اوقافو سرپرست وزیر مولوي نورمحمد ثاقب د ولایت په مقام کې د هلمند سرپرست والي محترم مولوي عبدالأحد طالب او نورو مسئولینو سره وکتل، په مختلفو مسأیلو او موضوعاتو يي هر اړ خیزې خبرې تر سره کړې.
دغه راز ښاغلي وزیرصاحب دلشکرګاه په ښار کې دهلمند ولایت دیو شمیر مخورو علماؤ سره غونډه وکړه.
جناب شیخ نورمحمد ثاقب دامارت د پاليسېو، اهدافو او مقاصدو په اړوند خپله هر اړخیزه او عالمانه وینا حاضرینو ته واوروله، چې دعلماء کرامو د ډیرې خوښئ سبب وګرځیدله او راغلو علماؤ داسلامي امارت څخه دکلک ملاتړ او په هره برخه کې د خدمت کولو اماده ګي وښودله.
