د ارشاد، حج او اوقافو وزارت خبرتیا!

bakhshi_admin
اطلاعیه

لکه څنګه چې زمونږ هیوادوال خبر دي، چې د جمعې په  ورځ د روان کال د سنبلې میاشتې ۲۵ مې نیټې سره سمون خوري، د انسان اختطافګرو یوې ډلې غوښتل چې زمونږ یو هیوادوال اختطاف کړی له نیکه مرغه د کابل ښار د څلورمې امنیتي حوزې اړوند سیمه کې د اسلامي امارت مجاهدینو لخوا ونیول شول.

د دې ډلې يو تن د لومړنيو پلټنو په ترڅ کې ځان د ارشاد، حج او اوقافو وزارت یو کارکونکي معرفي کړی دی. د هغو څېړنو له مخې، چې د ياد شوي کس په اړه ترسره شوي دي، نوموړى پخوا د لنډې مودې لپاره د يوه اوقافي ملکیت د ساتونکي په توګه په دنده ګومارل شوى و او بيا له دندې ګوښه شوى و.

دا وزارت په صراحت سره اعلان کوي، چې دغه کس نه  رسمي مامور دی او نه قراردادی کارمند دی یاده موضوع د دغه وزارت د رهبرۍ تر څېړنې لاندې ده،  د څېړنو له ترسره کېدو وروسته به هغه کس چې مخکې یې یاد کس د ساتونکي په توګه معرفي کړی دی تر څېړنو لاندې او مجازات شي.

د ارشاد، حج او اوقافو وزارت د دیني سکتور له مهمو بنسټونو څخه ده،  د اسلامي شریعت خلاف دغه ډول کړنې په کلکو ټکو غندي او د هېوادوالو د سرتاسري خوندیتوب په موخه د اسلامي امارت د امنیتي ځواکونو او مجاهدینو د زړورتیا او هلو ځلو ستاینه کوي.

خبرتیاوې

پنجشنبه ۱۴۰۱/۷/۷ - ۲۲:۳۶
Background image

د ارشاد حج او اوقافو خبرتیا

 ټولو هغو علماء کرامو ته خبر ورکول کیږي، چې د امامت او خطابت سره علاقه لري او رسمي دنده هم ونلري: د ښه سیرت او د نیکو صفاتو خاوند ، دمعتبر او باوري علمي سند درلودلو ترڅنک ، ښه قرائت، . . .

سه‌شنبه ۱۴۰۱/۶/۲۹ - ۱۴:۴۰
Background image

د ارشاد حج او اوقافو خبرتیا

د ارشاد، حج او اوقافو وزارت په پام کې لری، چې د قرآن کریم نړیوالو سیالیو (۳۹) م پړاو چې د ایران اسلامي جمهوري هېواد کې ترسره کیږي، هغه  حافظان او وقاریان چې په لاندې برخو کې د ګډون . . .

یکشنبه ۱۴۰۱/۶/۲۷ - ۱۰:۵۹
Background image

د ارشاد، حج او اوقافو وزارت خبرتیا!

لکه څنګه چې زمونږ هیوادوال خبر دي، چې د جمعې په  ورځ د روان کال د سنبلې میاشتې ۲۵ مې نیټې سره سمون خوري، د انسان اختطافګرو یوې ډلې غوښتل چې زمونږ یو هیوادوال اختطاف کړی له نیکه مرغه د . . .

Back to announcements