د ارشاد، حج او اوقافو وزارت له لوري د حج د نویو ثبت شویو متقاضیانو لپاره نن په ټول هېواد کې د پچې اچونې بهیر ترسره شو.

bakhshi_admin
چهارشنبه ۱۴۰۲/۱۱/۱۸ - ۱۰:۵۲
قرعه کشی

۲۵ رجب المرجب ۱۴۴۵ هـ ق (۱۷ دلو ۱۴۰۲ هـ ش)

د افغانستان اسلامي امارت د ارشاد، حج او اوقافو وزارت لخوا په پلازمینه کابل او ټولو ولایتونو کې د روان ۱۴۴۵هـ ق کال د حج لپاره د نویو متقاضیانو نوم لیکنه څه موده وړاندې پیل شوې وه، چې نن په پلازمینه کابل کې د يوې غونډې په ترڅ کې د دې وزارت مالي او اداري مرستیال له لوري په رسمي ډول د پچې اچونې بهیر تر سره شو.

په یاده جوړه شوې غونډه کې د ارشاد، حج او اوقافو وزارت مالي او اداري مرستیال مولوي عارف الله عارف، د مرکزي ریاستونو رئیسانو او حج د داخلي کمېټې غړو گډونکړي وو .

غونډه د قرآن کریم څو مبارکو آیتونو په تلاوت سره پیل شوه، ورپسې د ارشاد، حج او اوقافو وزارت مالي او اداري مرستیال مولوي عارف الله عارف ددغه بهیر په تړاو خبرې وکړې او زیاته یې کړه، چې د نوم لیکنې پروسه څه موده وړاندې پیل شوې وه چې نن د حج داخلي کمېټې هیئت په شتون کې دغه بهیر پیل کېږي.

نوموړي وویل: په ولایتونو کې د پچې اچونې بهیر بیا د مربوطه ولایت د مقام او د ارشاد، حج او اوقافو ریاست مسؤلینو په حضور کې تر سره کېږي.

د غونډې په پای کې د ارشاد، حج او اوقافو وزارت د مرستیال له لوري د پچې اچونې صندوق پرانستل شو او د پچې اچونې بهیر په رسمي ډول پیل شو.

تازه خبرونه

یکشنبه ۱۴۰۲/۱۲/۱۳ - ۱۴:۴۸
Background image

د ارشاد، حج او اوقافو وزارت له لوري د ۱۴۴۵ هـ ق کال د حاجیانو د معلمینو لپاره تدریب (روزنیز) سیمینار پیل شو

۲۰ شعبان المعظم ۱۴۴۵ هـ ق (۱۲ حوت ۱۴۰۲ هـ ش)

نن شنبه د ارشاد، حج او اوقافو وزارت له لوري دهېواد په پلازمینه کابل کې د ۱۴۴۵ هجري قمري کال د حاجیانو د معلمینو لپاره تدریب (روزنیز). . .

پنجشنبه ۱۴۰۲/۱۲/۱۰ - ۹:۳۹
Background image

د آریانا افغان او کام ایر هوايي شرکتونو سره په جلا جلا توگه د ۱۴۴۵هـ ق کال د حاجیانو د لېږد او رالېږد تړون لاسلیک شو

چهار شنبه ۱۸ شعبان المعظم ۱۴۴۵هـ ق مطابق ۹ حوت کال ۱۴۰۲ هـ ش

د ارشاد، حج او اوقافو وزارت له آریانا او کام ایر هوایي شرکتونه سره د بېلا بېلو غونډو په ترڅ کې د ۱۴۴۵ هـ ق کال د (۳۰) زره. . .

پنجشنبه ۱۴۰۲/۱۱/۱۹ - ۱۹:۹
Background image

د ارشاد، حج او اوقافو وزارت لخوا په لویو نظامي مرکزونو کې د قرآن کریم د ترجمو او تفسیر دورو د پیل په تړاو لومړنۍ غونډه ترسره شوه.

۲۷ رجب المرجب ۱۴۴۵ هـ ق (۱۹ دلو ۱۴۰۲ هـ ش)

نن پنجشنبه: د افغانستان اسلامي امارت د ارشاد، حج او اوقافو وزارت له لوري د یوې غونډې په ترڅ د هغو شیوخو، جیدو علماء کرامو، د دفاع او کورنیو. . .

BACK TO NEWS