د ارشاد، حج او اوقافو وزارت سرپرست د کورنیو چارو وزارت له عقیدتي او فرهنګي رییس سره وکتل. شنبه ٢٢ د وږي ١٣٩٩
![رئیس عقیدتی وزارت داخله](/sites/default/files/2020-09/2.jpeg)
د کورنیو چارو وزارت عقیدتي او فرهنګي رییس سمونوال قاري ذبیح الله ابدالي او ورسره مل پلاوي یې نن د ارشاد، حج او اوقافو وزارت له سرپرست محمد قاسم حلیمي سره د وزارت په انګړ کې وکتل.
په دغه کتنه کې چې د وزارت مسلکي مرستیال دوکتور امین الدین مظفري، د وزارت د پلان او پالیسي مرستیال محمد عثمان طارق، د دفتر رییس محمد اسحق حیدري عرب او د اطلاعاتو او عامه اړیکو رییس فضل محمد حسیني حضور درلود، د کورنیو چارو زارت عقدتي او فرهنګي رییس د علماء کرامو له دوامداره همکاریو څخه مننه وکړه.
نوموړي د ارشاد، تدرسي نصاب او د قطعاتو لپاره د ښوونیزو برنامو د تدوین غوښتنه وکړه.
ورپسې د ارشاد، حج او اوقافو وزارت سرپرست د ملي پولیسو او امنیتي ځواکونو د کارنامو او سرښندنې قدرداني وکړه او په یادو برخو کې یې د دې وزارت له اړخه د هر ډول مرستې ډاډ ورکړ.