د ارشاد، حج او اوقافو وزیر د ترکیې هېواد د دیني چارو له لوي رئیس سره د ويډیو کنفرانس له لارې خبرې وکړې

bakhshi_admin
شنبه ۱۴۰۰/۱/۲۱ - ۱۴:۳۹
خبر ترکیه
پنجشنبه ۱۹ وري ١٤٠٠ نن د ارشاد، حج او اوقافو وزیر محمد قاسم حلیمي د ترکیې هېواد د دیني چارو له لوي رئیس ښاغلي دکتور علي ارباش سره د افغان او ترکیې علماوو ترمنځ د ګډ کنفرانس جوړېدو په موخه د ويډیو کنفرانس له لارې تفصلي خبرې وکړې. په پیل کې د افغانستان د ارشاد، حج او اوقافو وزیر ښاغلي محمد قاسم حلیمي د ترکیې هېواد د علماو له رئیس ښاغلي دکتور ارباش څخه وغوښتل، چې د افغان او ترکیې علماوو تر منځ د نظریاتو د شریکولو او افکارو د تبادلې په موخه ګډ کنفرانس جوړ کړي، ځکه دترکیه علماء ډېر مثبت رول لري او همداشان هیله لرو چې ترکیه به د دغه نامشروع جنګ دغندلو په اړه خپل واضح نظر ورکړی ښاغلي حلیمي زیاته کړه چې په ګډ کنفرانس کې باید د سیمې د حنفي مذهبو هېوادونو مخکښ علماء کرام هم ګډون وکړي او په افغانستان کې به د روانې جګړې د حل په موخه خپل نظریات وړاندې کړي. همدارنګه د دواړو هېوادونو دعلماوو ترمنځ د اړیکو په زیاتیدل او د افغان علماوو لپاره په ترکیه کې دلوړ زدکړو زمینه برابرولو باندی خبری وکړی . په دغه وی ټی سي کنفرانس کې په ځینو نورو مهمو موضوعات خبری وشوی چې د حج د سیستم او پروسې په اړه له موږ سره مرسته او همکاری ترڅنګ دافغانستان د معارف او مدارسو د موډل جوړولو په اړه د ترکیې ورور هیواد مرستي او خپلي تجربیي شریکول مهم وبلل. ورپسې د ترکیې د دیني چارو رئیس ښاغلي علي ارباش وینا وکړه. نوموړي د افغان علماوو د ظرفیت لوړاوي او د افغانستان سولې په اړه خپل نېک نظر څرګند کړ. هغه وویل: افغانستان او ترکیه دوه وروڼه هېوادونه دي، چې ډېر نږدې مذهبي او کلتوري مشترکات لري. ښاغلي ارباش د افغانستان د سولې ټینګښت او په افغانستان کې د روانې جګړې د حل په موخه د اسلامي نړۍ د علماوو د ګډ کنفرانس د جوړېدو ژمنه وکړه او یو با ثبات افغانستان یې د اسلامي نړۍ لپاره ستر قوت یاد کړ.

تازه خبرونه

دوشنبه ۱۴۰۰/۲/۱۳ - ۱۰:۱۱
Background image

د ارشاد، حج او اوقافو وزیر په کابل کې د ایران د اسلامي جمهوریت له سفیر سره وکتل

یکشنبه ۱۲ غويي ۱۴۰۰

نن د ارشاد، حج او اوقافو وزیر محمد قاسم حلیمي په خپل کاري دفتر کې د ایران اسلامي جمهوریت له سفیر ښاغلي ډاکټر بهادر امینیان سره د دواړه هېوادونو د مذهبي او فرهنګي. . .

شنبه ۱۴۰۰/۲/۱۱ - ۱۰:۳
Background image

په لوګر ولایت کې د کانکور آزموینې په محصلینو د موټر بم چاودنې په تړاو د ارشاد، حج او اوقافو وزارت اعلامیه

وَمَنْ یقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِیهَا وَغَضِبَ اللَّهُ عَلَیهِ وَلَعَنَهُ وَأَعَدَّ لَهُ عَذَابًا عَظِیمًا)[نسا: ۹۳]

شنبه ۱۱ غويي ۱۴۰۰

په ډېرې. . .

پنجشنبه ۱۴۰۰/۲/۹ - ۱۰:۱۶
Background image

د هېواد دیني عالمانو ته د کویډ - ۱۹ واکسین تطبیق شو.

سې شنبه ۱۴۰۰/۲/۷

 د ارشاد، حج او اوقافو وزارت او عامې روغتیا وزارت په ګډه همکارۍ د هېواد دیني عالمانو ته د رسنیو په حضور کې د کووید ۱۹ واکسین تطبیق شو.

په دغه پروګرام کې د ارشاد حج او. . .

BACK TO NEWS