د بیت الله شریف عازمینو سره د ارشاد،حج او اوقافو ښاغلي وزیر تودیعي لیدنه.
د مرکزي زون حاجیانو مجتمع څخه د را رسیدلي راپور په اساس د هېواد د حاجيانو د لومړي کاروان پيل په مناسبت د مرکز زون د حاجيانو په مجتمع کې غونډه ترسره شوه.
یاده غونډه د قرآن کریم په څو مبارکو آیتونو پخ تلاوت سره پيل شوه، ورپسې د ارشاد، حج او اوقافو وزیر خبرې وکړې او حاجیانو ته یې د مبارکۍ تر څنګ د الله تعالی د دربار څخه د مبرور حج غوښتنه وکړه.
ښاغلي ثاقب زیاته کړه، تاسو ډېر نېکمرغه یاست چې دالله ﷻ کور او د رسول الله مبارک روضې ته ورځۍ او دا د الله جل جلاله یو لوی نعمت دی، چې هرچا ته نه نصیب کېږي.
نوموړي وزیر همدا راز وویل: تاسو د اسلامي امارت او د ارشاد، حج او اوقافو مېلمانه یاست او د الله تعالی څخه غواړو چې موږ ته ستاسو د خدمت لا زیات توفیق راکړي.
ترڅو وکولای شو په سعودي عرب کې تاسو لپاره لازیات اسانتیاوي برابر کړو.
د ارشاد، حج او اوقافو وزیر زیاته کړه، په دې سفر کې د خپل یووالی او ورورولي حفظ کړﺉ او دا سفر صبر او حوصلې سره پای ته ورسوﺉ، حج یو عبادي او ستونزمن سفر دی د دې سفر ستونزې باید وزغمي، ځکه چې د یاد سفر د ستونزو زغمل د ګناهونو بخنې سبب ګرزې.
په یاده غونډه کې د رهبرۍ غړو ترڅنګ،د ارشاد،حج واوقافو وزارت ځینې موظف کارکونکو، دینې علماء کرامو او حج ته تلونکوو لومړۍ الوتنې یو شمېر کسانو شتون درلود.
