استاد عبدالله شاهد السمرقندی د هیواد شهیر قاری په سعودی عربستان کی استوکن د وزارت درهبری له لوری وستایل شو.

استاد عبدالله شاهدالسمرقندی دهېواد شهیر قاری په سعودی عربستان کې استوګن نن دارشاد، حج اواوقافو وزارت د رهبرئ له لورې د وزارت په مقرکې وستایل شو. دوشنبه دچنګاښ 10 نېټه استادعبدالله السمرقندی په دې موخه وستائل شو چې په زده کړو او قرآني علمي درجی دترلاسه له امله نن دارشاد، حج اواوقافو وزیرمولوي عبدالحکیم منیب په دفتر غونډه چمتوشوی وه چې د وزیر سربیره پکې دوزارت اداري اومالی مرستیال ملاتاج محمد مجاهد، دقاریانوچارو رئیس شیخ القراء والمجودین استاد قاري برکت الله سلیم، د دفتر رئيس قاری محمداسحق حیدري عرب، اداري اومالی رئیس حضرت محمدخليل, مولوي عبدالعزیز، محمدشریف صادقی او مبشرالله حقجو دوزارت سلاکارانو اوګڼ شمېر کارکونکو شتون درلود. په دې پرتمنه غونډه کې دشیخ القراء والمجودین استاد قاری برکت الله سلیم، مبشرالله حقجو، ضیاء الحق منقاد او ښاغلی میلمه استادعبدالله السمرقندی له لورې دکلام الله مجید څومبارک ایاتونه په بیلابیلو سبکونو او روایتو تلاوت سره غونډې ته معنویت وروبښه. دغونډې په پای کې له دی امله استاد عبدالله وستائل شو چې په نړیواله کچه يې دقراني خدمتونه ترسره کړئ نن دارشاد، حج اواوقافو وزیر ښاغلي مولوي عبدالحکیم منیب ورته دامام ابوحنیفه رحمته الله دنړیوال سمپوزیم نښان ډالۍ شو، دشیخ القراء والمجودین استادبرکت الله سلیم يوه پاڼه ستاینلیک او دمالی او اداری مرستیال ملاتاج محمد مجاهد له لورې ورته دعزت چپن په اوږه واچول شوه. دیادونې ده چې استادعبدالله شاهد السمرقندی سربیره پردي چې په نړیوالو برخوکې دقران کریم دحسن قرائت خدمتونه کوي اوس مهال دجدې ښارپه یو ښونځي اومدرسه کې ښوونکي او دحبیب الرحمن مسجد امام دي. نوموړي د روژې مبارکي میاشتې دتراو لمونځ کې دقرانکریم دختم په موخه اود کويټ ,قطر, اماراتو, ترکي اوچین هېوادنوپه بلنه سفرونه ترسره کړي دی