د ارشاد، حج او اوقافو وزارت لپاره د اسلامي عرفان او مقدسو ځاینو د انسجام مرستیال معرفی شو

bakhshi_admin
شنبه ۱۴۰۱/۷/۲۳ - ۱۵:۲۹
معرفی معین عرفان

نیټه: ۱۶، ربیع‌الأول ۱۴۴۴ ه‍ ق (۲۰ میزان ۱۴۰۱ ه‍ ش)

د ارشاد، حج او اوقافو وزارت لپاره د اسلامي عرفان او مقدسو ځاینو د انسجام مرستیال د یوي غوندې په ترڅ کې ددغه وزارت رئیسانو او کارکوونکو ته تر پېژندلو وروسته په کار پیل وکړ.

د عالیقدر امیرالمؤمنین حفظه الله د فرمان له مخې محترم شیخ عزیز الرحمن منصور د ارشاد، حج او اوقافو وزارت د اسلامي عرفان او مقدسو ځاینو د انسجام مرستیال په توګه وټاکل شو.

په یاده غونډه کې د ارشاد، حج او اوقافو مالي او اداري مرستیال مولوي عارف الله عارف، د چارو ادارې څخه د  فرهنګي او ټولنيزو چارو رئیس مولوي عبدالباقي، د اوبو او انرژۍ وزیر مولوي عبداللطیف منصور او د دې وزارت یو شمیر رئیسانو ګډون درلود.

غونډه د قرآنکریم د څو مبارکو آیتونو په تلاوت سره پیل شوه، ورپسې د چارو ادارې څخه د فرهنګي او ټولنيزو چارو رئيس مولوي عبدالباقي د نوموړي د تقرري حکم ولوست او وروسته بیا د ارشاد، حج او اوقافو مالي او اداري مرستیال مولوي عارف الله عارف شیخ عزیز الرحمن منصور ته د دغه وزارت د اسلامي عرفان او مقدسو ځاینو د انسجام د معین په توګه د ټاکل کېدو مبارکي وویله او په یاده دنده کې یې ورته د بریالیتوب هیله وکړه.

ورپسې شیخ عزیز الرحمن منصور د وزارت د رهبري د تود هرکلی څخه مننه وکړه او زیاته یې کړه، چې اسلامي امارت موخو ته د رسېدو او د هېواد خلکو ته د خدمت په لاره کې به هېڅ راز هلې ځلې او همکارۍ ونه سپموي. دوي څوکۍ او مقام یو امتیاز نه، بلکې یو مسوولیت وباله.

همدا راز نوموړي زیاته کړه، چې د ارشاد، حج او اوقافو وزارت د اصلاح لپاره یو مکتب او لویه اداره ده او د دیني چارو او دیني زده کړو یوه معتبره سرچینه ده.

په پای کې ښاغلی منصور د لوی څښتن تعالی له دربار څخه د دین او خلکو په خدمت کې د بریالیتوب دعا وکړه او همدا راز زیاته یې کړه، چې د ټولو مسؤلینو په همکارۍ او مرسته به ورسپارل شوې چارې په ښه توګه پرمخ وړي.

تازه خبرونه

چهارشنبه ۱۴۰۳/۱/۸ - ۱۰:۴۰
Background image

د ارشاد، حج او اوقافو وزیر د خبري کنفرانس له لارې د روان کال د افغان حاجیانو سهمیه او لگښتونه اعلان کړل.

سه شنبه ۱۶ رمضان المبارک ۱۴۴۵ هـ ق (۷ حمل ۱۴۰۳ هـ ش) کابل، افغانستان: نن د ارشاد، حج او اوقافو وزارت د حکومت د اطلاعاتو او د رسنیو په مرکز کې د یوه خبري کنفرانس له لارې د حاجیانو سهمیه. . .

پنجشنبه ۱۴۰۳/۱/۲ - ۹:۴۳
Background image

د ارشاد، حج او اوقافو وزیر او ورسره پلاوى له ازبکستان څخه نن بېرته خپل هېواد راستون شو.

چهارشنبه ۱۰ رمضان المبارک ۱۴۴۵ هـ ق (۱ وری ۱۴۰۳ هـ ل)

‏د ارشاد، حج او اوقافو محترم وزیر شیخ الحدیث سرمحقق دوکتور مولوي نورمحمد ثاقب تر مشرۍ لاندې د هېواد د علماوو لس کسیز لوړی پوړی. . .

چهارشنبه ۱۴۰۳/۱/۱ - ۱۰:۳۰
Background image

د ارشاد، حج او اوقافو وزیر او ورسره پلاوي ازبکستان هېواد ته د خپل سفر په ترڅ کې د بخارا ښار له مسؤلینو سره د کتنې ترڅنګ د دغه ښار له اسلامي مرکزونو او مدرسو څخه لیدنه وکړه.

دوشنبه ٩ رمضان المبارک ۱۴۴۵ هـ ق (٢٩ حوت ۱۴۰۲ هـ ل)

د ارشاد، حج او اوقافو محترم وزیر شیخ الحدیث سرمحقق دوکتور مولوي نورمحمد ثاقب ازبکستان هېواد ته د خپل سفر په ترڅ کې د بخارا ښار ته. . .

BACK TO NEWS